ആഭ്യന്തരമന്ത്രിയും ഹൈക്കോടതിയും ഇടപെടണമെന്ന് ഫേസ്ബുക്ക് കുറിപ്പ്

ഫിറ്റ്നസ് സർട്ടിഫിക്കറ്റ് നിഷേധിച്ചു; ‘സിസ്റ്റത്തോടുള്ള പ്രതിഷേധം’ എഴുതി ഓട്ടോ ഡ്രൈവർ ജീവനൊടുക്കി

മലപ്പുറം കിഴിശ്ശേരി മുണ്ടംപറമ്പ് സ്വദേശി ഷൗക്കത്തലി, തന്റെ ഓട്ടോയ്ക്ക് ഫിറ്റ്നസ് സർട്ടിഫിക്കറ്റ് ലഭിക്കാത്തതിനെ തുടർന്ന് ജീവനൊടുക്കി. ഏജന്റില്ലാതെ സമീപിച്ചതിനാൽ പത്ത് മാസമായി സർട്ടിഫിക്കറ്റ് നിഷേധിച്ചുവെന്നും കൈക്കൂലി കൊടുക്കാത്തതുകൊണ്ട് ജീവിതമാർഗം തകർത്തുവെന്നും അദ്ദേഹം ഫെയ്സ്ബുക്കിൽ ആരോപിച്ചു. ഇഎംഐ മുടങ്ങിയതും സാമ്പത്തിക പ്രതിസന്ധിയും ചൂണ്ടിക്കാട്ടിയ ഷൗക്കത്തലി, മോട്ടോർ വാഹന വകുപ്പാണ് മരണത്തിന് ഉത്തരവാദിയെന്നും ആഭ്യന്തരമന്ത്രിയും ഹൈക്കോടതിയും ഇടപെടണമെന്നും കുറിച്ചു. ആരോപണങ്ങളിൽ അന്വേഷണം ആവശ്യപ്പെട്ട് പ്രതിഷേധം ശക്തമാകുന്നു.