ചെന്നൈക്ക് ഒളിമ്പിക് സിറ്റി;

ചെന്നൈക്ക് ‘ഒളിമ്പിക് സിറ്റി’; ഫോർമുല 1 ലക്ഷ്യമിട്ട് മോട്ടോർ സ്പോർട്സ് സിറ്റിയും പ്രഖ്യാപിച്ച് വിജയ്

തമിഴ്നാട് മുഖ്യമന്ത്രി സി. ജോസഫ് വിജയ് ചെന്നൈയിൽ ലോകോത്തര നിലവാരത്തിലുള്ള ‘തമിഴ്നാട് ഒളിമ്പിക് സിറ്റി’ സ്ഥാപിക്കുമെന്ന് നിയമസഭയിൽ പ്രഖ്യാപിച്ചു. അന്താരാഷ്ട്ര നിലവാരമുള്ള കായിക അരങ്ങുകൾ, ഹൈ പെർഫോമൻസ് ട്രെയിനിങ് സെന്റർ, സ്പോർട്സ് സയൻസ്–സ്പോർട്സ് മെഡിസിൻ കേന്ദ്രങ്ങൾ, താരങ്ങൾക്കും പരിശീലകർക്കുമുള്ള താമസസൗകര്യങ്ങൾ എന്നിവ ഉൾപ്പെടുന്ന സമഗ്ര കായിക ഹബ്ബായിരിക്കും പദ്ധതി.

ഇതിനൊപ്പം മോട്ടോർ സ്പോർട്സ് സിറ്റിയും സ്ഥാപിക്കും. Formula 1 ഉൾപ്പെടെയുള്ള അന്താരാഷ്ട്ര റേസുകൾ തമിഴ്നാട്ടിലെത്തിക്കാനും യുവാക്കൾക്ക് മോട്ടോർസ്പോർട്സ് പരിശീലനം നൽകാനും പദ്ധതിയുണ്ട്. മോട്ടോർ റേസിങ് അടിസ്ഥാനസൗകര്യം ടൂറിസത്തിനും ഓട്ടോമൊബൈൽ വ്യവസായത്തിനും തൊഴിലവസരങ്ങൾക്കും കരുത്താകുമെന്ന് സർക്കാർ പ്രതീക്ഷിക്കുന്നു.

സിനിമയിൽ നിന്ന് മുഖ്യമന്ത്രിക്കസേരയിലേക്ക്; ഇനി ചെന്നൈയെ ഒളിമ്പിക്–മോട്ടോർസ്പോർട്സ് മാപ്പിൽ ഉയർത്താനുള്ള വിജയിന്റെ വലിയ നീക്കം.