കോളജ് അറിഞ്ഞത് പൊലീസ് വിളിച്ചപ്പോൾ

‘ട്രിപ്പ് പോയത് കോളജ് അറിഞ്ഞില്ല’; കയ്പമംഗലം അപകടവിവരം അറിഞ്ഞത് പൊലീസ് വിളിച്ചപ്പോൾ

തൃശൂർ കയ്പമംഗലത്ത് ചരക്കുലോറിയുടെ പിന്നിലേക്ക് കാർ ഇടിച്ചുണ്ടായ അപകടത്തിൽ മരിച്ച എട്ട് പേരും തമിഴ്നാട് ഡിണ്ടിഗലിലെ എൻജിനീയറിങ് കോളജ് വിദ്യാർഥികളായിരുന്നു. എന്നാൽ വിദ്യാർഥികൾ കേരളത്തിലേക്ക് യാത്ര പോയ വിവരം കോളജിന് അറിയില്ലായിരുന്നുവെന്ന് PSNA കോളജ് അധികൃതർ വ്യക്തമാക്കി. പുലർച്ചെ കേരള പൊലീസ് വിളിച്ചപ്പോഴാണ് ദുരന്തവിവരം കോളജ് അറിഞ്ഞതെന്നും അധികൃതർ പറഞ്ഞു.

അവധിദിവസമായതിനാൽ വിദ്യാർഥികൾ സ്വന്തം നിലയിൽ യാത്ര പ്ലാൻ ചെയ്തതാകാമെന്നാണ് കോളജിന്റെ വിശദീകരണം. കയ്പമംഗലം പനമ്പിക്കുന്ന് സെന്ററിലെ ദേശീയപാത ഡൈവർഷൻ ഭാഗത്ത്, പാർക്കിങ് പാടില്ലാത്തിടത്ത് നിർത്തിയിട്ടിരുന്ന ചരക്കുലോറിയുടെ പിന്നിലേക്കാണ് കാർ ഇടിച്ചുകയറിയത്.

ഒരു അവധിയാത്ര; കോളജ് അറിഞ്ഞത് അപകടത്തിന് ശേഷം — എട്ട് യുവജീവനുകൾ നഷ്ടമായ കയ്പമംഗലം ദുരന്തം.