ആലുവ പീഡനക്കേസ്: ഹാലോവീൻ പാർട്ടിയിൽ പങ്കെടുത്തവരെ ചോദ്യം ചെയ്യും

ആലുവയിലെ ഒരു സ്വകാര്യ റിസോർട്ടിൽ നടന്ന ഹാലോവീൻ പാർട്ടിക്കിടെ 15 വയസ്സുകാരിക്ക് ലൈംഗികാതിക്രമം നേരിട്ട സംഭവത്തിൽ പോലീസ് അന്വേഷണം ശക്തമാക്കി.

കേസുമായി ബന്ധപ്പെട്ട് അലക്സ് എന്നയാൾ അറസ്റ്റിലായി റിമാൻഡിലാണ്. ഒക്ടോബർ 31-ന് നടന്ന പാർട്ടിയിൽ പങ്കെടുത്ത എല്ലാവരെയും ചോദ്യം ചെയ്യാനാണ് അന്വേഷണസംഘത്തിന്റെ തീരുമാനം.

പാർട്ടി സംഘടിപ്പിക്കുന്നതിൽ പങ്കുണ്ടെന്ന് കരുതുന്ന ഒരു യുവതിയെയും ചോദ്യം ചെയ്യും. റിസോർട്ടിലെ സന്ദർശക രജിസ്റ്ററുകളും സിസിടിവി ദൃശ്യങ്ങളും പോലീസ് പരിശോധിച്ചുവരികയാണ്.