ചെന്നിത്തലയ്ക്ക് അതൃപ്തി?

ചേന്തി അനിലിന്റെ നടപടിയിൽ ചെന്നിത്തലയ്ക്ക് അതൃപ്തി? ‘തൂഫാൻ’ പ്രതിച്ഛായയ്ക്ക് തിരിച്ചടിയെന്ന് അണികളിൽ വികാരം

‘ഓപ്പറേഷൻ തൂഫാൻ’ ഉൾപ്പെടെയുള്ള നടപടികളിലൂടെ രമേശ് ചെന്നിത്തലയുടെ പ്രതിച്ഛായ ഉയർന്നുനിൽക്കുന്ന സമയത്താണ് അദ്ദേഹത്തിന്റെ അനുയായിയായി അറിയപ്പെടുന്ന ചേന്തി അനിലുമായി ബന്ധപ്പെട്ട വിവാദം കോൺഗ്രസിനെ പ്രതിരോധത്തിലാക്കിയത്. മുഖ്യമന്ത്രിയുടെ വാഹനവ്യൂഹം തടഞ്ഞ സംഭവത്തിൽ അനിലിനെതിരെ പൊലീസ് കേസെടുത്തതും പാർട്ടി നടപടിയിലേക്ക് നീങ്ങിയതും ഇതിനുപിന്നാലെയാണ്.

ചേന്തി അനിലിനെപ്പോലുള്ള അനുയായികളുടെ ഇത്തരം പ്രവർത്തനങ്ങൾ ചെന്നിത്തലയുടെ ഇമേജിനുതന്നെ ദോഷമുണ്ടാക്കുന്നുവെന്ന വികാരം അണികളിലെ ഒരു വിഭാഗത്തിനുണ്ടെന്നാണ് രാഷ്ട്രീയവൃത്തങ്ങളിലെ ചർച്ച. അതുകൊണ്ടുതന്നെ അനിലിനെ സംരക്ഷിക്കുന്ന സമീപനം വേണ്ടെന്ന നിലപാടിലാണ് ചെന്നിത്തലയെന്നും സൂചനയുണ്ട്.