ഫേസ്ബുക്ക് പോസ്റ്റിന് 'അന്നദാന പിഴ'; 200 പേർക്ക് ഭക്ഷണം

ഫേസ്ബുക്ക് പോസ്റ്റിന് ‘അന്നദാന പിഴ’; 200 പേർക്ക് ഭക്ഷണം നൽകി രസീതും ഫോട്ടോയും പോസ്റ്റ് ചെയ്യണം!

അതിരപ്പിള്ളിയിലെ ഒരു സ്ഥാപനത്തിനെതിരെ ഫേസ്ബുക്കിൽ പോസ്റ്റിട്ട കൊടകര സ്വദേശിക്ക് വ്യത്യസ്തമായ ‘പിഴ’ ചുമത്തി പൊലീസ് ഉദ്യോഗസ്ഥൻ. വീടിനടുത്തുള്ള അനാഥാലയത്തിലെ 200 പേർക്ക് അന്നദാനം നടത്തണം; അതിന്റെ രസീതും ചിത്രങ്ങളും വീണ്ടും ഫേസ്ബുക്കിൽ പോസ്റ്റ് ചെയ്യണം—ഇതായിരുന്നു ഉദ്യോഗസ്ഥന്റെ നിർദേശമെന്നാണ് ലഭിക്കുന്ന വിവരം.

സംഭവമറിഞ്ഞ തൃശൂർ എസ്.പി. ചിരിയോടെ ഉദ്യോഗസ്ഥനെ അഭിനന്ദിച്ചുവെന്നും പറയപ്പെടുന്നു. സോഷ്യൽ മീഡിയയിലെ ഒരു തർക്കത്തിന് ശിക്ഷയായി പണം ഈടാക്കുന്നതിന് പകരം 200 പേർക്ക് ഭക്ഷണം ലഭിച്ച കഥ കൗതുകമാകുകയാണ്.