പുതിയ സിം കാർഡ് ലഭിക്കാൻ ഇനി എളുപ്പമല്ല: തിരിച്ചറിയൽ രേഖകളും നിലവിലുള്ള കണക്ഷനുകളും കർശന പരിശോധനയിൽ; സൈബർ തട്ടിപ്പുകൾ തടയാൻ പുതിയ നിയമങ്ങൾ

പുതിയ സിം എടുക്കാൻ ഇനി എളുപ്പമല്ല; തിരിച്ചറിയലും പഴയ കണക്ഷനുകളും കർശന പരിശോധനയിൽ

രാജ്യത്ത് പുതിയ സിം കാർഡ് നൽകുന്നതിനുള്ള പരിശോധനകൾ കൂടുതൽ കർശനമാക്കുന്നു. പുതിയ മൊബൈൽ കണക്ഷന് അപേക്ഷിക്കുമ്പോൾ ഉപഭോക്താവിന്റെ തിരിച്ചറിയൽ വിവരങ്ങൾ മാത്രമല്ല, അതേ പേരിൽ നിലവിലുള്ള സിം കണക്ഷനുകളും സംശയാസ്പദമായ ടെലികോം–സൈബർ തട്ടിപ്പ് ബന്ധങ്ങളും പരിശോധിക്കപ്പെടും. വ്യാജ തിരിച്ചറിയൽ രേഖകൾ ഉപയോഗിച്ചുള്ള സിം കാർഡുകൾ, ഓൺലൈൻ സാമ്പത്തിക തട്ടിപ്പുകൾ, സ്പാം കോളുകൾ എന്നിവ തടയുകയാണ് ലക്ഷ്യം.

കെവൈസി നടപടികളിൽ പൊരുത്തക്കേടുകളോ അനുവദനീയ പരിധിക്കപ്പുറം സിം കണക്ഷനുകളോ കണ്ടെത്തിയാൽ പുതിയ സിം ലഭിക്കുന്നതിൽ തടസ്സമുണ്ടാകാം. സംശയകരമായ നമ്പറുകളും ഉപഭോക്തൃ വിവരങ്ങളും ടെലികോം കമ്പനികളും കേന്ദ്ര സംവിധാനങ്ങളും കൂടുതൽ സൂക്ഷ്മമായി നിരീക്ഷിക്കും. ഒരു കാലത്ത് ഏതാനും മിനിറ്റുകൾകൊണ്ട് ലഭിച്ചിരുന്ന പുതിയ സിം ഇനി ശക്തമായ ഡിജിറ്റൽ പരിശോധനകൾ കടന്നശേഷമേ കൈയിലെത്തൂ.