₹3,000 നായി നഗ്നപാദയായി ഓടിയ ഒരമ്മ

മോദിയുടെ ‘ഡിജിറ്റൽ ഇന്ത്യ’ക്കിടയിൽ ₹3,000നായി നഗ്നപാദയായി ഓടിയ ഒരമ്മ

മഹാരാഷ്ട്രയിലെ ബീഡ് ജില്ലയിൽ 47കാരിയായ രമാബായി രൺവീർ തന്റെ രണ്ട് പെൺമക്കളുടെ പഠനച്ചെലവിനായി സംഘടിപ്പിച്ച മാരത്തണിൽ പങ്കെടുത്ത് ഒന്നാം സ്ഥാനം നേടി. സാരിയണിഞ്ഞ് ഓടിയ രമാബായിയുടെ ചെരിപ്പ് വഴുതിയതോടെ അത് കൈയിലെടുത്ത് നഗ്നപാദയായി ഓടിയാണ് ₹3,000 സമ്മാനം നേടിയത്. ഭർത്താവിന്റെ മരണശേഷം ഒരു അക്കാദമിയിൽ പാചകജോലി ചെയ്താണ് അവർ മക്കളുടെ പഠനം മുന്നോട്ടുകൊണ്ടുപോകുന്നത്.

ഒരു മകൾ ബാങ്കിങ് പരീക്ഷയ്ക്കും മറ്റൊരു മകൾ പൊലീസ് റിക്രൂട്ട്‌മെന്റിനും തയ്യാറെടുക്കുകയാണ്. ‘ഡിജിറ്റൽ ഇന്ത്യ’യും വികസനനേട്ടങ്ങളും വലിയ രാഷ്ട്രീയ മുദ്രാവാക്യങ്ങളാകുമ്പോൾ, മക്കളുടെ വിദ്യാഭ്യാസത്തിനായി ₹3,000 നേടാൻ ഒരമ്മ നഗ്നപാദയായി ഓടേണ്ടിവരുന്ന ഇന്ത്യയും കാണാതെ പോകരുത്.

വികസനത്തിന്റെ യഥാർഥ അളവുകോൽ കണക്കുകൾ മാത്രമാണോ, സാധാരണ മനുഷ്യന്റെ ജീവിതമാണോ?