ബെംഗളൂരു കൊലപാതകം: പ്രണയബന്ധത്തെച്ചൊല്ലി യുവാവിനെ തല്ലിക്കൊന്നു

ബെംഗളൂരുവിലെ യെലഹങ്കയിൽ പാലക്കാട് തിരുവേഗപ്പുറ സ്വദേശി കിരൺ (22) കൊല്ലപ്പെട്ടു. പെൺസുഹൃത്തിന്റെ പിതാവും കിരണിന്റെ തൊഴിലുടമയുമായ ആനന്ദ് രാജ് (45) ആണ് അറസ്റ്റിലായത്.

ആനന്ദ് രാജിന്റെ സ്ഥാപനത്തിൽ ജോലി ചെയ്തിരുന്ന കിരണും അദ്ദേഹത്തിന്റെ 19 വയസ്സുള്ള മകളും പ്രണയത്തിലായിരുന്നു. ഇരുവരെയും വീട്ടിൽ ഒരുമിച്ച് കണ്ടതിനെത്തുടർന്ന് ആനന്ദ് രാജ് ക്രിക്കറ്റ് ബാറ്റും ഇരുമ്പുപൈപ്പും ഉപയോഗിച്ച് കിരണിനെ മർദിക്കുകയായിരുന്നു.

ആശുപത്രിയിൽ എത്തിച്ചെങ്കിലും കിരണിന്റെ ജീവൻ രക്ഷിക്കാനായില്ല.