തുമ്പൂർ-പുത്തൻചിറയിലെ ആദ്യ ബസ് സർവീസിന്റെ ചിത്രം പങ്കുവെച്ച് കുടുംബം

തുമ്പൂർ-പുത്തൻചിറ മേഖലയിലെ ആദ്യ ബസ് സർവീസായിരുന്ന എബിടി ബസിന്റെ ചിത്രം പങ്കുവെച്ച് ഡ്രൈവറുടെ കുടുംബം.

1950-കളിൽ മതിലകം-അടിച്ചിലി റൂട്ടിൽ ഓടിയിരുന്ന ഈ ബസിന്റെ ഡ്രൈവർ പുത്തൻചിറ കിഴക്കുമുറി തച്ചിൽ കണ്ണായി തോമസ് ആയിരുന്നു. അദ്ദേഹത്തിന്റെ മകൻ ആൻഡ്രൂസാണ് ചിത്രം പുറത്തുവിട്ടത്.

ബസ് പാർക്ക് ചെയ്തിരുന്ന ഷെഡ് ഇപ്പോഴും കുടുംബം സംരക്ഷിക്കുന്നുണ്ട്. ഇത് പഴയകാല യാത്രാചരിത്രത്തിന്റെ ഓർമ്മകൾക്ക് തിളക്കം നൽകുന്നു.