വിനീത മേനോന്റെ ചിത്രങ്ങൾ ‘ദി ആർട്ട് ബുക്ക് ഇന്റർനാഷണൽ ആർട്ടിസ്റ്റ്സ് കാറ്റലോഗിൽ’.

പാലക്കാട് ചിറ്റൂർ സ്വദേശിയായ അമൂർത്ത ചിത്രകാരി വിനീത മേനോന്റെ ചിത്രങ്ങൾ ‘ദി ആർട്ട് ബുക്ക് ഇന്റർനാഷണൽ ആർട്ടിസ്റ്റ്സ് കാറ്റലോഗിൽ’ ഇടം നേടി.

ഔപചാരിക കലാപരിശീലനമില്ലാതെ സ്വന്തം ശൈലി രൂപപ്പെടുത്തിയ വിനീത, നിറങ്ങളും പ്രതലഭേദങ്ങളും കൊണ്ട് വാക്കുകളിൽ ഒതുങ്ങാത്ത വികാരങ്ങളെ കാൻവാസിലേക്ക് പകർത്തുന്നു.

രണ്ട് പതിറ്റാണ്ടിലേറെ നീണ്ട കലാജീവിതത്തിൽ 7,500-ലധികം സൃഷ്ടികൾ ഒരുക്കുകയും 40 ഏകാംഗ പ്രദർശനങ്ങൾ നടത്തുകയും ചെയ്തതായി കാറ്റലോഗ് രേഖപ്പെടുത്തുന്നു. കൊച്ചി കലൂരിൽ സ്വന്തമായി സ്റ്റുഡിയോയും ഗാലറിയും നടത്തുന്നു.