തമിഴ് സൂപ്പർതാരം അജിത് കുമാർ പരുക്കുകളില്ലാതെ രക്ഷപ്പെട്ടു

യൂറോപ്യൻ റേസിങ് ട്രാക്കിൽ വീണ്ടും അപകടം; അജിത് കുമാർ പരുക്കുകളില്ലാതെ രക്ഷപ്പെട്ടു

യൂറോപ്പിലെ കാർ റേസിങ് മത്സരത്തിനിടെ തമിഴ് സൂപ്പർതാരം അജിത് കുമാർ വീണ്ടും അപകടത്തിൽപ്പെട്ടു. ബെൽജിയത്തിലെ പ്രശസ്ത Spa-Francorchamps സർക്യൂട്ടിൽ ഓഗസ്റ്റ് 22ന് നടന്ന Michelin Le Mans Cupമത്സരത്തിനിടെയായിരുന്നു സംഭവം. അജിത് ഓടിച്ചിരുന്ന No.16 Ligier കാർ Turn 11ൽ നിയന്ത്രണം നഷ്ടപ്പെട്ട് ട്രാക്കിന് പുറത്തുള്ള ഗ്രാവലിലേക്ക് തെന്നിമാറി. അപകടത്തെ തുടർന്ന് മത്സരത്തിൽ Safety Car ഇറക്കേണ്ടിവന്നു. എന്നാൽ അജിത് പരുക്കുകളൊന്നുമില്ലാതെ സുരക്ഷിതനായി പുറത്തിറങ്ങി.

Ajith RedAnt by Virage ടീമിനായി LMP3 Pro/Am വിഭാഗത്തിലാണ് താരം മത്സരിക്കുന്നത്. സിനിമയ്ക്കപ്പുറം മോട്ടോർസ്പോർട്സിനെ പ്രൊഫഷണലായി പിന്തുടരുന്ന അജിത് മുമ്പും റേസിങ് അപകടങ്ങളിൽ നിന്ന് പരുക്കുകളില്ലാതെ രക്ഷപ്പെട്ടിട്ടുണ്ട്. പുതിയ അപകടവാർത്ത ആരാധകരെ ആശങ്കപ്പെടുത്തിയെങ്കിലും താരം സുരക്ഷിതനാണെന്ന വിവരം ആശ്വാസമായി.