അതിമനോഹരം 115 ദിവസത്തെ ചിത്രീകരണം പൂർത്തിയായി

115 ദിവസത്തെ ചിത്രീകരണം പൂർത്തിയായി; മോഹൻലാൽ–തരുൺ മൂർത്തി ചിത്രം ‘അതിമനോഹരം’ റെഡി

മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്യുന്ന പുതിയ ചിത്രം ‘അതിമനോഹരം’ 115 ദിവസത്തെ ചിത്രീകരണം പൂർത്തിയാക്കി. ഒരു സാധാരണ പൊലീസ് സബ് ഇൻസ്പെക്ടറായ ലൗലജന്റെഔദ്യോഗിക ജീവിതത്തിലും വ്യക്തിജീവിതത്തിലും അരങ്ങേറുന്ന സംഭവങ്ങളാണ് സംഘർഷഭരിതമായ മുഹൂർത്തങ്ങളിലൂടെ ചിത്രം അവതരിപ്പിക്കുന്നത്.

ലൗലജൻ എന്ന കഥാപാത്രമായാണ് മോഹൻലാൽ എത്തുന്നത്. സാധാരണക്കാരന്റെ ജീവിതത്തിലൂടെ കടന്നുപോകുന്ന സമ്മർദ്ദങ്ങളും ബന്ധങ്ങളും ഉത്തരവാദിത്വങ്ങളും ചേർന്നൊരു ശക്തമായ കഥാപാത്രചിത്രണമാകും സിനിമയെന്ന സൂചനയാണ് പുറത്തുവരുന്നത്.

‘തുടരും’ വിജയത്തിന് ശേഷം മോഹൻലാൽ–തരുൺ മൂർത്തി കൂട്ടുകെട്ട് വീണ്ടും; ഒരു പൊലീസ് സബ് ഇൻസ്പെക്ടറുടെ ജീവിതവുമായി ‘അതിമനോഹരം’.