അതിരപ്പിള്ളിക്ക് ആകാശയാത്ര; ‘സ്കൈ സ്റ്റോം’ ഇന്ന് വി.ഡി. സതീശൻ ഉദ്ഘാടനം ചെയ്യും, ‘ജംഗിൾ സ്റ്റോം’ പി.കെ. കുഞ്ഞാലിക്കുട്ടിയും; 150 കോടി രൂപയുടെ വികസനം

അതിരപ്പിള്ളിക്ക് ആകാശയാത്ര; ‘സ്കൈ സ്റ്റോം’ ഇന്ന് വി.ഡി. സതീശൻ ഉദ്ഘാടനം ചെയ്യും

അതിരപ്പിള്ളിയുടെ പ്രകൃതിസൗന്ദര്യം ഇനി ആകാശത്തുനിന്നും ആസ്വദിക്കാം. സിൽവർ സ്റ്റോമിൽ ഒരുക്കിയ അന്താരാഷ്ട്ര നിലവാരത്തിലുള്ള പുതിയ ‘സ്കൈ സ്റ്റോം’ കേബിൾ കാർ പദ്ധതി ഇന്ന്, ഓഗസ്റ്റ് 23ന്, മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. പശ്ചിമഘട്ടത്തിന്റെ വനഭംഗിയും ചാലക്കുടിപ്പുഴയും സിൽവർ സ്റ്റോം പാർക്കും മുകളിൽനിന്ന് കാണാൻ കഴിയുന്ന രീതിയിലാണ് കേബിൾ കാർ യാത്ര ഒരുക്കിയിരിക്കുന്നത്. പ്രതിദിനം 5,000ത്തിലധികം സന്ദർശകർക്ക് ഈ ആകാശയാത്ര അനുഭവിക്കാനാകുമെന്നാണ് അധികൃതർ അറിയിക്കുന്നത്.

ഇതിനൊപ്പം വനാനുഭവങ്ങളെ കേന്ദ്രീകരിച്ച് ഒരുക്കിയ ‘ജംഗിൾ സ്റ്റോം – ഫോറസ്റ്റ് വില്ലേജ്’ വ്യവസായ മന്ത്രി പി.കെ. കുഞ്ഞാലിക്കുട്ടി ഉദ്ഘാടനം ചെയ്യും. വാക്കിങ് ട്രെയിലുകൾ, അക്വേറിയം, വിവിധ പക്ഷി–മൃഗങ്ങൾ, സസ്യസമ്പത്ത് തുടങ്ങിയവയും പദ്ധതിയുടെ ഭാഗമാണ്. ₹150 കോടിയിലധികം രൂപയുടെ വികസന പ്രവർത്തനങ്ങളാണ് നിലവിൽ സിൽവർ സ്റ്റോമിൽ പുരോഗമിക്കുന്നത്.