അതിരപ്പിള്ളിയിൽ സിൽവർ സ്റ്റോമിന്റെ 'സ്കൈ സ്റ്റോം' കേബിൾ കാർ നാടിന് സമർപ്പിച്ചു; അഞ്ച് മന്ത്രിമാരുടെ സാന്നിധ്യം ശ്രദ്ധേയമാക്കി

അഞ്ച് മന്ത്രിമാർ അതിരപ്പിള്ളിയിൽ; സിൽവർ സ്റ്റോമിന്റെ ‘സ്കൈ സ്റ്റോം’ ഇനി ആകാശയാത്രയ്ക്ക്

അതിരപ്പിള്ളിയുടെ ടൂറിസം ഭൂപടത്തിന് പുതിയ ഉയരം നൽകി സിൽവർ സ്റ്റോമിലെ അന്താരാഷ്ട്ര നിലവാരമുള്ള ‘സ്കൈ സ്റ്റോം’ കേബിൾ കാർ നാടിന് സമർപ്പിച്ചു. മുഖ്യമന്ത്രി വി.ഡി. സതീശൻ, വ്യവസായ മന്ത്രി പി.കെ. കുഞ്ഞാലിക്കുട്ടി, മന്ത്രിമാരായ പി.സി. വിഷ്ണുനാഥ്, റോജി എം. ജോൺ, ഒ.ജെ. ജനീഷ്എന്നിവരുടെ സാന്നിധ്യം ഉദ്ഘാടനച്ചടങ്ങിനെ ശ്രദ്ധേയമാക്കി.

പശ്ചിമഘട്ട വനമേഖലയും ചാലക്കുടിപ്പുഴയും സിൽവർ സ്റ്റോം പാർക്കും ആകാശത്തുനിന്ന് കാണാനാകുന്ന രീതിയിലാണ് സ്കൈ സ്റ്റോം ഒരുക്കിയിരിക്കുന്നത്. പ്രതിദിനം 5,000ത്തിലധികം സന്ദർശകർക്ക് കേബിൾ കാർ യാത്ര അനുഭവിക്കാനാകുമെന്നാണ് അധികൃതർ വ്യക്തമാക്കിയത്.

ഇതിനൊപ്പം ‘ജംഗിൾ സ്റ്റോം – ഫോറസ്റ്റ് വില്ലേജ്’ ഉൾപ്പെടെയുള്ള പുതിയ ആകർഷണങ്ങളും സിൽവർ സ്റ്റോമിനെ അതിരപ്പിള്ളിയിലെ പ്രധാന സമഗ്ര വിനോദസഞ്ചാര കേന്ദ്രങ്ങളിലൊന്നാക്കി മാറ്റുകയാണ്. ആകാശയാത്രയും പ്രകൃതിയും വിനോദവും ഒരുമിക്കുന്ന പുതിയ അനുഭവമാണ് ഇനി അതിരപ്പിള്ളി സന്ദർശകരെ കാത്തിരിക്കുന്നത്.