ടേക്ക് ഓഫിനിടെ ശുചിമുറിയിലേക്ക് പോയി നഗ്നതാ പ്രദർശനം; വിമാനത്തിൽ മദ്യപിച്ച് പ്രശ്നമുണ്ടാക്കിയ ബ്രിട്ടീഷ് യുവതി കുറ്റം സമ്മതിച്ചു, ശിക്ഷ നവംബർ 3ന് !!

ടേക്ക് ഓഫിനിടെ ശുചിമുറിയിലേക്ക്; വിമാനത്തിനുള്ളിൽ യുവതിയുടെ നഗ്നതാ പ്രദർശനം !!

ടേക്ക് ഓഫിനിടെ പൈലറ്റിന്റെ നിർദേശങ്ങൾ അവഗണിച്ച് സീറ്റിൽ നിന്ന് എഴുന്നേറ്റ് ശുചിമുറിയിലേക്ക് പോയ ബ്രിട്ടിഷ് യുവതി പിന്നീട് വിമാനത്തിനുള്ളിൽ നഗ്നതാ പ്രദർശനം നടത്തിയ സംഭവത്തിൽ കുറ്റം സമ്മതിച്ചു. വെസ്റ്റ് യോർക്ക്ഷെയറിലെ ഹാലിഫാക്സിൽ നിന്നുള്ള സാറാ പാർക്കർ (30) ആണ് മാഞ്ചസ്റ്റർ മജിസ്‌ട്രേറ്റ് കോടതിയിൽ കുറ്റം സമ്മതിച്ചത്.

2025 ജൂലൈ 24ന് ബർമിങ്ങാമിൽ നിന്ന് ഫ്ലോറിഡയിലേക്കുള്ള വിമാനയാത്രയ്ക്കിടെയായിരുന്നു സംഭവം. റിപ്പോർട്ടുകൾ പ്രകാരം മദ്യലഹരിയിലായിരുന്ന സാറ, ടേക്ക് ഓഫിനിടെ സീറ്റ് വിട്ട് ശുചിമുറിയിലേക്ക് പോകുകയും തുടർന്ന് ഷോർട്സും അടിവസ്ത്രവും താഴ്ത്തി സഹയാത്രികരുടെ മുന്നിൽ അപമര്യാദയായി പെരുമാറുകയും ചെയ്തു. പൈലറ്റിന്റെ നിയമാനുസൃത നിർദേശങ്ങൾ പാലിക്കാതിരുന്നതും വിമാനത്തിൽ മദ്യപിച്ച് പ്രശ്നമുണ്ടാക്കിയതുമടക്കമുള്ള കുറ്റങ്ങളാണ് ചുമത്തിയത്.

സംഭവത്തെ ഗുരുതരമായ പെരുമാറ്റലംഘനമായി കോടതി വിലയിരുത്തി. കേസിൽ ശിക്ഷ വിധിക്കുന്നത് നവംബർ 3ലേക്ക് മാറ്റിയിരിക്കുകയാണ്.