ക്രിപ്റ്റോ തട്ടിപ്പ്:
99 ലക്ഷം ക്രിപ്റ്റോ തട്ടിപ്പ് പരാതി; കൊച്ചി ബ്ലൂ ടൈഗേഴ്‌സ് ഉടമ സുഭാഷ് ജോർജിനെതിരെ കേസ്
കൊച്ചി ബ്ലൂ ടൈഗേഴ്‌സ് ക്രിക്കറ്റ് ടീം ഉടമയും സിനിമാ നിർമാതാവുമായ സുഭാഷ് ജോർജിനെതിരെ 99 ലക്ഷം രൂപയുടെ ക്രിപ്റ്റോ തട്ടിപ്പ് പരാതിയിൽ കോട്ടയം കറുകച്ചാൽ പൊലീസ് കേസെടുത്തു. യുകെയിലെ മലയാളികൾ നൽകിയ പരാതിയുടെ അടിസ്ഥാനത്തിലാണ് നടപടി.
2014 മുതൽ വിവിധ രാജ്യങ്ങളിലെ നിക്ഷേപകരിൽ നിന്ന് ഏകദേശം 100 കോടി രൂപ തട്ടിയെന്ന വലിയ ആരോപണവും പൊലീസ് പരിശോധിക്കുന്നുണ്ട്. ക്രിപ്റ്റോ ഇടപാടുകളിൽ നിന്നുള്ള പണം കൊച്ചി ബ്ലൂ ടൈഗേഴ്‌സ് ടീം വാങ്ങാനും സിനിമാ നിർമ്മാണത്തിനും ഉപയോഗിച്ചോയെന്നും അന്വേഷണം നടക്കുന്നതായി റിപ്പോർട്ടുകൾ പറയുന്നു.
അതേസമയം ആരോപണങ്ങൾ തള്ളിയ സുഭാഷ് ജോർജ്, പരാതി നൽകിയവർക്കെതിരെ താനും പരാതി നൽകിയിട്ടുണ്ടെന്ന് വ്യക്തമാക്കി.
THINCK SHOTS https://thinck.org/shots
