പത്ത് വർഷത്തെ മൗനം

പത്ത് വർഷം മൗനം; ഭരണമാറ്റത്തിന് പിന്നാലെ ‘മെറ്റ’ക്കെതിരെ ദേശാഭിമാനി

ദേശാഭിമാനിയുടെ ഔദ്യോഗിക ഇൻസ്റ്റഗ്രാം അക്കൗണ്ട് മെറ്റ ഡിസേബിൾ ചെയ്തതായി ദേശാഭിമാനി മാനേജ്‌മെന്റ് വ്യക്തമാക്കിയിരിക്കുകയാണ്. കേന്ദ്ര സർക്കാരിനെയും സംഘപരിവാർ നിലപാടുകളെയും വിമർശിക്കുന്ന വാർത്തകളും ജനപക്ഷ നിലപാടുകളും പ്രസിദ്ധീകരിച്ചതിനാണ് നടപടിയെന്നാണ് ദേശാഭിമാനിയുടെ ആരോപണം.

എന്നാൽ ഇവിടെ മറ്റൊരു ചോദ്യം കൂടി പ്രസക്തമാണ്. സോഷ്യൽ മീഡിയ പ്ലാറ്റ്‌ഫോമുകളുടെ നിയന്ത്രണങ്ങൾ, അക്കൗണ്ട് സസ്‌പെൻഷനുകൾ, ഉള്ളടക്ക നിയന്ത്രണം തുടങ്ങിയ വിഷയങ്ങൾ കഴിഞ്ഞ പത്ത് വർഷവും ഇന്ത്യയിൽ ചർച്ചയായിട്ടുണ്ട്. അന്നൊന്നും ഇത്ര ശക്തമായി കേൾക്കാതിരുന്ന പ്രതിഷേധം സ്വന്തം അക്കൗണ്ടിന് നടപടി വന്നപ്പോൾ മാത്രമാണോ?

അക്കൗണ്ട് എന്തുകൊണ്ട് ഡിസേബിൾ ചെയ്തുവെന്ന് മെറ്റ വ്യക്തമാക്കണം. അതോടൊപ്പം പത്ത് വർഷത്തെ മൗനത്തിനുശേഷമുള്ള ഈ പ്രതിഷേധത്തിന്റെ സമയവും ചോദ്യം ചെയ്യപ്പെടട്ടെ.

സ്വന്തം അക്കൗണ്ട് പോയപ്പോഴാണോ ‘ഡിജിറ്റൽ സ്വാതന്ത്ര്യം’ ഓർമ വന്നത്?