78കാരിയെ കൊലപ്പെടുത്തി 20 പവൻ സ്വർണവും പണവും കവർന്നു

ഒറ്റയ്ക്ക് താമസിച്ച 78കാരിയെ കൊലപ്പെടുത്തി; 20 പവൻ സ്വർണവും പണവും കവർന്നു

കന്യാകുമാരി ജില്ലയിലെ നാഗർകോവിലിന് സമീപം വടിവീശ്വരം സ്വദേശിനി ചിന്നമ്മ (78) വീട്ടിൽ കൊല്ലപ്പെട്ട നിലയിൽ. വിവാഹിതരായ പെൺമക്കൾ വേറെയാണ് താമസം; ചിന്നമ്മ വീട്ടിൽ ഒറ്റയ്ക്കായിരുന്നു. വൈകുന്നേരം മകൾ എത്തിയപ്പോഴാണ് കൈകൾ കെട്ടിയ നിലയിൽ മൃതദേഹം കണ്ടെത്തിയത്.

ചിന്നമ്മ ധരിച്ചിരുന്നതും അലമാരയിൽ സൂക്ഷിച്ചിരുന്നതുമായ 20 പവൻ സ്വർണവും ₹25,000വും നഷ്ടപ്പെട്ടതായി പൊലീസ് കണ്ടെത്തി. കവർച്ച ലക്ഷ്യമിട്ടുള്ള കൊലപാതകമാണെന്നാണ് പൊലീസിന്റെ പ്രാഥമിക നിഗമനം. വീട്ടിൽനിന്ന് മുഖംമൂടി ധരിച്ച ഒരാൾ പുറത്തേക്ക് പോകുന്ന ദൃശ്യം സിസിടിവിയിൽ പതിഞ്ഞതായും റിപ്പോർട്ടുണ്ട്. പ്രതിക്കായി കോട്ടാർ പൊലീസ് അന്വേഷണം ശക്തമാക്കി.