കാമ്യ പഞ്ചാബി: ആദ്യ വിവാഹത്തിലെ ക്രൂരപീഡനം

ആദ്യ ഭർത്താവിൽ നിന്ന് ക്രൂരപീഡനം; മുറിവുകൾ മറച്ചത് മേക്കപ്പിലൂടെ: കാമ്യ പഞ്ചാബി

ആദ്യ വിവാഹജീവിതത്തിൽ നേരിട്ട ഗാർഹിക പീഡനത്തിന്റെ ഞെട്ടിക്കുന്ന അനുഭവങ്ങൾ തുറന്നുപറഞ്ഞ് ടെലിവിഷൻ താരം കാമ്യ പഞ്ചാബി. മുഖത്തെ മുറിവുകൾ മറയ്ക്കാൻ മേക്കപ്പ് ചെയ്ത് ഷൂട്ടിങ്ങിനും അവാർഡ് ചടങ്ങുകൾക്കും പോകേണ്ടിവന്നിരുന്നുവെന്നും, പല രാത്രികളിലും ബാത്ത്റൂമിലും വാനിറ്റി വാനിലുമിരുന്ന് കരഞ്ഞിട്ടുണ്ടെന്നും കാമ്യ പറയുന്നു.

13 വർഷത്തോളം ബന്ധം നിലനിർത്താൻ ശ്രമിച്ചെങ്കിലും, തങ്ങളുടെ വഴക്കുകൾക്ക് മകൾ സാക്ഷിയായതോടെയാണ് ജീവിതം മാറ്റാനുള്ള തീരുമാനമെടുത്തതെന്ന് കാമ്യ വ്യക്തമാക്കി. കരിയർ ഉപേക്ഷിക്കാനുള്ള സമ്മർദവും നിരന്തര സംശയങ്ങളും നേരിട്ടിരുന്നുവെന്നും അവർ പറയുന്നു. പിന്നീട് വിവാഹബന്ധം അവസാനിപ്പിച്ച കാമ്യ 2020ൽ ശലഭ് ദാംഗിനെ വിവാഹം ചെയ്തു.