കൊല്ലത്ത് ഹോട്ടലിൽ നിന്ന് ചാടി യുവതി മരിച്ചു

കൊല്ലത്ത് ഹോട്ടൽ കെട്ടിടത്തിൽ നിന്ന് ചാടി യുവതി മരിച്ചു; ഒപ്പമുണ്ടായിരുന്ന യുവാവ് പൊലീസ് നിരീക്ഷണത്തിൽ

കൊല്ലം നഗരത്തിലെ സ്വകാര്യ ഹോട്ടൽ കെട്ടിടത്തിന്റെ മുകളിൽ നിന്ന് ചാടി ആലപ്പുഴ കഞ്ഞിക്കുഴി സ്വദേശിനി വൃന്ദ (27) മരിച്ചു. യുവതിയും എറണാകുളം സ്വദേശിയായ യുവാവും ഈ മാസം 20 മുതൽ ഹോട്ടലിൽ മുറിയെടുത്ത് താമസിച്ചുവരികയായിരുന്നു എന്നാണ് പൊലീസ് പറയുന്നത്.

മുറിയിൽ നിന്ന് ആത്മഹത്യക്കുറിപ്പ് കണ്ടെത്തിയതായി പൊലീസ് അറിയിച്ചു. ഹോട്ടലിലെ സിസിടിവി ദൃശ്യങ്ങൾ ഉൾപ്പെടെ പരിശോധിച്ച് അന്വേഷണം ആരംഭിച്ചിട്ടുണ്ട്. ഒപ്പമുണ്ടായിരുന്ന യുവാവ് നിലവിൽ പൊലീസ് നിരീക്ഷണത്തിലാണ്. മരണത്തിന് പിന്നിലെ സാഹചര്യങ്ങൾ അന്വേഷണത്തിന് ശേഷമേ വ്യക്തമാകൂ.