തിരുവനന്തപുരത്തിന് വൻ സർപ്രൈസ്:

തിരുവനന്തപുരത്തിന് വൻ സർപ്രൈസ്; ഫിലിം സിറ്റിയും എം.ടി. കൾചറൽ പാർക്കും വരുന്നു

തലസ്ഥാന നഗരിക്കായി ഒരു പ്രധാന പദ്ധതി അണിയറയിൽ ഒരുങ്ങുന്നുണ്ടെന്നും അതിന്റെ വിശദാംശങ്ങൾ ഇപ്പോൾ “സസ്പെൻസ്” ആയി വയ്ക്കുകയാണെന്നും മുഖ്യമന്ത്രി വി.ഡി. സതീശൻ. സംസ്ഥാനതല ഓണം വാരാഘോഷത്തിന്റെ ഉദ്ഘാടനച്ചടങ്ങിലാണ് പ്രഖ്യാപനം. മറ്റു സംസ്ഥാനങ്ങളിലൊന്നുമില്ലാത്ത രീതിയിൽ കേരളത്തിൽ അന്താരാഷ്ട്ര നിലവാരമുള്ള ഫിലിം സിറ്റി സ്ഥാപിക്കുമെന്നും മലയാളത്തിന്റെ അഭിമാനമായ എം.ടി. വാസുദേവൻ നായരുടെ ഓർമയ്ക്കായി രാജ്യാന്തര നിലവാരമുള്ള സാംസ്കാരിക പാർക്ക് നിർമ്മിക്കുമെന്നും മുഖ്യമന്ത്രി അറിയിച്ചു.

ഇതിനുപുറമേ തിരുവനന്തപുരത്തിനായി മാത്രമുള്ള മറ്റൊരു വലിയ പദ്ധതിയുടെ ചർച്ചകൾ പുരോഗമിക്കുകയാണെന്നും ഏറെ വൈകാതെ ഔദ്യോഗിക പ്രഖ്യാപനം ഉണ്ടാകുമെന്നും അദ്ദേഹം പറഞ്ഞു. സിനിമ, സംസ്കാരം, വിനോദസഞ്ചാരം എന്നിവയ്ക്ക് പുതിയ സാധ്യതകൾ തുറക്കുന്ന പ്രഖ്യാപനങ്ങളായാണ് ഇവ വിലയിരുത്തപ്പെടുന്നത്.