യുഎഇയിലേക്ക് കടത്താൻ ശ്രമിച്ച 2 ലക്ഷം ക്യാപ്റ്റഗൺ ഗുളികകൾ

യുഎഇയിലേക്ക് കടത്താൻ ശ്രമിച്ച രണ്ട് ലക്ഷം ക്യാപ്റ്റഗൺ ഗുളികകളും 30 കിലോയിലധികം മറ്റു ലഹരിമരുന്നുകളും അധികൃതർ പിടികൂടി. റാസൽഖൈമ അതിർത്തി വഴിയാണ് ഇവ കടത്താൻ ശ്രമിച്ചത്.

അന്താരാഷ്ട്ര ലഹരിക്കടത്ത് സംഘത്തിലെ 20 പേരെ ഈ ഓപ്പറേഷനിൽ അറസ്റ്റ് ചെയ്തു.

യുഎഇ നാഷണൽ ഡ്രഗ് എൻഫോഴ്‌സ്‌മെന്റ് അതോറിറ്റിയും റാസൽഖൈമ, ദുബായ്, ഷാർജ, അജ്മാൻ പോലീസും ഇറാഖ് അധികൃതരും ചേർന്നാണ് ഈ വലിയ ലഹരിവേട്ട നടത്തിയത്.