പാലത്തിൽ കുട്ടിയെ ഉപേക്ഷിച്ച് ദമ്പതികൾ ഗോദാവരിയിലേക്ക് ചാടി

മൂന്നുവയസുകാരനെ പാലത്തിൽ തനിച്ചാക്കി അച്ഛനും അമ്മയും ഗോദാവരിയിലേക്ക് ചാടി

ആന്ധ്രാപ്രദേശിലെ പശ്ചിമ ഗോദാവരി ജില്ലയിൽ ഹൃദയഭേദക സംഭവം. വേൽപുര സ്വദേശികളായ ദൊഡ്ഡ സായി (29), ഭാര്യ ശ്രീഷ (28) എന്നിവർ മൂന്നുവയസുകാരനായ മകനെ സ്കൂട്ടറിനരികിൽ പാലത്തിൽ തനിച്ചാക്കി ഗോദാവരി നദിയിലേക്ക് ചാടിയെന്നാണ് പൊലീസ് പറയുന്നത്. രാത്രി പത്തോടെയായിരുന്നു സംഭവം. മാതാപിതാക്കളെ കാണാതെ കരഞ്ഞ കുട്ടിയെ വഴിയാത്രക്കാർ കണ്ടെത്തി പൊലീസിനെ അറിയിച്ചു. കുട്ടിയെ ബന്ധുക്കൾക്ക് കൈമാറി. ദമ്പതികളെ കണ്ടെത്താൻ നദിയിൽ തിരച്ചിൽ തുടരുകയാണ്. സാമ്പത്തിക ബാധ്യതയാണോ സംഭവത്തിന് പിന്നിലെന്നതടക്കം പൊലീസ് അന്വേഷിക്കുന്നു.