39 വർഷം ഒളിവിൽ; ‘രാജൻ’ ആയി പുതിയ ജീവിതം,

39 വർഷം ഒളിവിൽ; ‘രാജൻ’ ആയി പുതിയ ജീവിതം, ഒടുവിൽ പിടിയിൽ

കൊല്ലം വെളിയം പടിഞ്ഞാറ്റിൻകരയിൽ 1987ൽ സഹോദരീഭർത്താവ് ചന്ദ്രശേഖരൻ പിള്ളയെ വെട്ടിക്കൊലപ്പെടുത്തിയ കേസിൽ 39 വർഷമായി ഒളിവിലായിരുന്ന മോഹനൻ പിള്ളയെ പൂയപ്പള്ളി പൊലീസ് അറസ്റ്റ് ചെയ്തു. കൊലയ്ക്കുശേഷം നാടുവിട്ട ഇയാൾ പിന്നീട് കോട്ടയം കല്ലറയിൽ ‘രാജൻ’ എന്ന വ്യാജപേരിൽ താമസിച്ച് വിവാഹം കഴിച്ച് കുടുംബജീവിതം നയിക്കുകയായിരുന്നു. രൂപമാറ്റം കാരണം വർഷങ്ങളോളം തിരിച്ചറിയപ്പെടാതെ കഴിഞ്ഞു. അടുത്തിടെ നാട്ടുകാരനെ അപ്രതീക്ഷിതമായി കണ്ടതും കുടുംബകലഹവുമായി ബന്ധപ്പെട്ട പൊലീസ് ഇടപെടലും അന്വേഷണത്തിന് വഴിത്തിരിവായി. വിശദമായ ചോദ്യം ചെയ്യലിനൊടുവിലാണ് യഥാർഥ വ്യക്തിത്വവും പഴയ കൊലക്കേസും പുറത്തുവന്നത്.

ഏകദേശം നാല് പതിറ്റാണ്ട് നീണ്ട ഒളിവുജീവിതത്തിനാണ് ഒടുവിൽ പൊലീസ് വിരാമമിട്ടത്.