വ്യാജ ബി.കോം മാർക്ക് ലിസ്റ്റ്: മുൻ ഡിവൈഎഫ്ഐ നേതാവിനെതിരെ കേസ്
വ്യാജ ബി.കോം മാർക്ക് ലിസ്റ്റിൽ അഞ്ച് വർഷം പഞ്ചായത്ത് ജോലി; മുൻ ഡിവൈഎഫ്ഐ നേതാവിനെതിരെ കേസ്
പാലക്കാട് പുതുക്കോട് ഗ്രാമപ്പഞ്ചായത്തിൽ വ്യാജ ബി.കോം മാർക്ക് ലിസ്റ്റ് ഹാജരാക്കി അഞ്ച് വർഷത്തോളം ജോലി ചെയ്തെന്ന പരാതിയിൽ മുൻ ഡിവൈഎഫ്ഐ യൂണിറ്റ് സെക്രട്ടറി കെ.വി. ഗണപതിക്കെതിരെ വടക്കഞ്ചേരി പൊലീസ് കേസെടുത്തു. തൊഴിലുറപ്പ് പദ്ധതിയിൽ അക്കൗണ്ടന്റ് കം ഐ.ടി. അസിസ്റ്റന്റായി 2021 ജൂലൈ മുതൽ 2026 ജൂലൈ വരെയാണ് ജോലി ചെയ്തത്. കാലിക്കറ്റ് സർവകലാശാല നടത്തിയ പരിശോധനയിൽ മാർക്ക് ലിസ്റ്റ് വ്യാജമാണെന്നും ഗണപതി ബിരുദം പാസായിട്ടില്ലെന്നും കണ്ടെത്തിയതിനെ തുടർന്നാണ് പഞ്ചായത്ത് അധികൃതർ പൊലീസിൽ പരാതി നൽകിയത്. സംഭവത്തിൽ കൂടുതൽ അന്വേഷണം നടക്കുകയാണ്.
THINCK SHOTS https://thinck.org/shots
