സ്ഥിരീകരണമില്ലെന്ന് കേരള പൊലീസ്; ഇന്റർപോളിന്റെ സഹായം തേടും

‘ജോൺ മേനോൻ’ തന്നെയോ സുകുമാരക്കുറുപ്പ്? സ്ഥിരീകരണമില്ലെന്ന് പൊലീസ്

ബ്രൂണെയിൽ ‘ജോൺ മേനോൻ’ എന്ന പേരിൽ കഴിയുന്നയാൾ സുകുമാരക്കുറുപ്പാണെന്ന പ്രചാരണം ഇപ്പോഴും സ്ഥിരീകരിച്ചിട്ടില്ലെന്ന് കേരള പൊലീസ്. ഇരുവരുടെയും രൂപസാദൃശ്യം, പാസ്‌പോർട്ട്–ഫോട്ടോ–മൊബൈൽ വിവരങ്ങൾ തുടങ്ങിയവയെക്കുറിച്ച് അനൗദ്യോഗിക സൂചനകൾ ലഭിച്ചിട്ടുണ്ടെങ്കിലും അവ തെളിവായി കണക്കാക്കിയിട്ടില്ല. യാഥാർഥ്യം കണ്ടെത്താൻ ക്രൈംബ്രാഞ്ച് ഇന്റർപോളിന്റെ സഹായം തേടും. ഇന്നലെ കുറുപ്പ് മരിച്ചെന്ന നിഗമനത്തിൽ അന്വേഷണം അവസാനിപ്പിക്കാനൊരുങ്ങിയിരുന്ന പൊലീസ്, പുതിയ വെളിപ്പെടുത്തലുകൾ വന്നതോടെ വീണ്ടും പരിശോധന ശക്തമാക്കുകയാണ്.