കാക്കിക്ക് പിന്നിലെ സ്ത്രീയാണ് പ്രധാനം

കാക്കിക്ക് പിന്നിലെ സ്ത്രീയാണ് പ്രധാനം; ആദ്യ പൊലീസ് വേഷവുമായി പാർവതി

സിനിമയിൽ രണ്ട് പതിറ്റാണ്ട് പിന്നിടുന്ന പാർവതി തിരുവോത്ത്, ‘പ്രഥമദൃഷ്ട്യാ കുറ്റക്കാർ’ എന്ന ചിത്രത്തിലൂടെ മലയാളത്തിൽ ആദ്യമായി പൊലീസ് വേഷത്തിലെത്തുന്നു. എന്നാൽ ഇത് വെറുമൊരു യൂണിഫോം കഥാപാത്രമല്ലെന്ന് പാർവതി പറയുന്നു. “കാക്കിക്ക് പിന്നിലുള്ള ഈ സ്ത്രീ ആരാണ്, അവർ കടന്നുപോയ ജീവിത സാഹചര്യങ്ങൾ എന്തൊക്കെയാണ്” എന്നതിലാണ് സംവിധായകൻ ഷഹദ് കൂടുതൽ പ്രാധാന്യം നൽകിയിരിക്കുന്നതെന്ന് താരം വ്യക്തമാക്കി.

നീതി എന്താണെന്ന ചോദ്യത്തിന് തനിക്ക് ഇന്നും വ്യക്തമായ ഉത്തരമില്ലെന്നും, പൊലീസ് സംവിധാനത്തേക്കാൾ നീതിന്യായ വ്യവസ്ഥയിലെ വീഴ്ചകളാണ് കൂടുതൽ ആശങ്കപ്പെടുത്തുന്നതെന്നും പാർവതി പറയുന്നു. അനുഭവങ്ങളിൽ നിന്നുള്ള ചോദ്യങ്ങൾ ചോദിക്കുന്നത് തുടരുമെന്നും അവർ വ്യക്തമാക്കി.