43 വർഷത്തിനിടെ 53 വിവാഹം കഴിച്ച് സൗദി പൗരൻ

മനഃസമാധാനവും സ്ഥിരതയുള്ള കുടുംബജീവിതവും തേടി 43 വർഷത്തിനിടെ 53 തവണ വിവാഹം കഴിച്ചതായി സൗദി സ്വദേശി അബു അബ്ദുല്ല. 20-ാം വയസ്സിലായിരുന്നു അദ്ദേഹത്തിന്റെ ആദ്യ വിവാഹം.

ഏറ്റവും ഹ്രസ്വമായ വിവാഹബന്ധം ഒരു രാത്രി മാത്രമാണ് നീണ്ടതെന്ന് അബു അബ്ദുല്ല എംബിസി ചാനലിനോട് പറഞ്ഞു. അഭിമുഖം നൽകുമ്പോൾ 63 വയസ്സുണ്ടായിരുന്ന അദ്ദേഹത്തിന് അന്ന് ഒരു ഭാര്യ മാത്രമാണുണ്ടായിരുന്നത്.

വീണ്ടും വിവാഹം കഴിക്കാൻ പദ്ധതിയില്ലെന്നും അബു അബ്ദുല്ല വ്യക്തമാക്കി. ഗൾഫ് ന്യൂസ് 2022 സെപ്റ്റംബറിലാണ് ഈ അഭിമുഖം റിപ്പോർട്ട് ചെയ്തത്.