പി.എച്ച്. കുര്യനെ ഓർത്ത് വിതുമ്പി ഡോ. കെ. വാസുകി

‘ഞാൻ കലക്ടറായിരുന്നപ്പോൾ നൽകിയ പിന്തുണ വളരെ വലുതായിരുന്നു’; പി.എച്ച്. കുര്യനെ ഓർത്ത് വിതുമ്പി ഡോ. കെ. വാസുകി

അന്തരിച്ച മുൻ അഡീഷണൽ ചീഫ് സെക്രട്ടറി പി.എച്ച്. കുര്യനെ അനുസ്മരിച്ച് ഐ.എ.എസ് ഉദ്യോഗസ്ഥ ഡോ. കെ. വാസുകി വികാരാധീനയായി. താൻ ജില്ലാ കലക്ടറായി പ്രവർത്തിച്ച സമയത്ത് കുര്യൻ നൽകിയ പിന്തുണ ഏറെ വലുതായിരുന്നുവെന്നും ഭരണരംഗത്ത് അദ്ദേഹത്തിൽ നിന്ന് ലഭിച്ച മാർഗനിർദേശങ്ങൾ മറക്കാനാവില്ലെന്നും വാസുകി ഓർമ്മിച്ചു.

1986 ബാച്ച് കേരള കേഡർ ഐ.എ.എസ് ഉദ്യോഗസ്ഥനായ പി.എച്ച്. കുര്യൻ റവന്യൂ, വ്യവസായം, ഐ.ടി തുടങ്ങിയ പ്രധാന വകുപ്പുകളിൽ ഉന്നത ചുമതലകൾ വഹിച്ചിരുന്നു. മുൻ അഡീഷണൽ ചീഫ് സെക്രട്ടറിയായിരുന്ന അദ്ദേഹം ഓഗസ്റ്റ് 26ന് 67-ാം വയസിൽ അന്തരിച്ചു.

ഒരു മുതിർന്ന ഉദ്യോഗസ്ഥനെന്നതിലുപരി പ്രതിസന്ധിഘട്ടങ്ങളിൽ ഒപ്പം നിന്ന മാർഗദർശകനെയാണ് നഷ്ടമായതെന്ന വികാരമാണ് വാസുകിയുടെ വാക്കുകളിൽ നിറഞ്ഞത്.